Veiða meira...

Nú á sjávarútvegsráðherra að gefa leyfi til að veiða ótakmarkað til bræðslu þar sem þessi síld mun hvort sem er drepast...Því ekki að ná í nokkur hundruð milljónir með þessu..

Fundur vegna síldarsýkingar

Fáranlegt..

Hvað er að....einmitt þegar farþegum er farið að fjölga þá er ferðum fækkað....hvernig á að vera hægt að treysta á þennann ferðamáta þegar sífellt er verið að krukka í þessu.

Hvaða lögmál eru hérna í gangi....lítil aðsókn....dregið úr ferðum      mikil aðsókn.....dregið úr ferðum...

Ég hélt að nú væri tíminn til að efla almenningssamgöngur. Eins og í mörgu öðru þá eru stjórnmálamenn á skjön við almenning í þessu efni...því miður..

 

Dregið úr ferðum hjá Strætó en gjaldskrá óbreytt

Smá auka hugleiðingar er varða brunavarnir...

Þar sem ég þekki töluvfert mikið inná brunavarnarmál og reykskynjun þá langaði mig aðeins að senda ykkur smá leiðbeiningar er varða reykskynjara. Það var umræða um þetta í blöðunum núna í vikunni og þetta er aldrei of oft kveðið...

Hvort á ég að velja Jónískan eða Optískan skynjara.....

Í gegnum tíðina þá hefur sala á jónískum skynjurum verið um 90%. Nánast eingöngu vegna þess að þeir eru ódýrari. Vandamálið við jóníska reykskynjara er það að þeir skynja ekki kaldann reyk. Hvað er kaldur reykur? Kaldur reykur er reykur sem er líklegastur til að deyða fólk í svefni sem vöku. Þess vegna er gríðarlega mikilvægt að hafa alltaf optískan skynjara í þeim rýmum sem fólk sefur. Það er ekki nóg að hafa einn á svefnherbergisgangi heldur á að vera einn í hverju herbergi. Jónískur skynjari myndi til dæmis ekki fara í gang fyrr en fólk í sama rými væri að öllum líkindum látið úr reykeitrun.

Framleiðsla á jónískum reykskynjurum hefur dregist mjög saman á undanförnum árum og sumir framleiðendur framleiða þá ekki lengur. Hægt er að þekkja jónískan skynjara þannig að í honum er geislavirkt efni og merki um það á honum. Annað merki um að þið séuð með jónískan skynjara er ef hann er stöðugt að fara í gang við það eitt að opna ofn eða rista brauð til dæmis. Þá er líklega um jónískan skynjara að ræða.

Hvar á ég að staðsetja reykskynjara....

Eins og ég nefndi hér að ofan þá eiga að vera optískir reykskynjarar þar sem fólk sefur. Það eitt og sér er ekki nóg ef hann er ranglega staðsettur. Skynjarinn má ekki ver of nálægt vegg eða á vegg. Hann skal vera að lágmarki 50 cm frá vegg í loftinu. Best er að hafa hann í miðju lofti. Önnur rými sem gott er að hafa reykskynjun er í bílskúr, þvottahúsi og sjónvarpsherbergi eða stofu. Einhver skildi spyrja um hvort ekki sé ráðlegt að hafa reykskynjara í eldhúsi? Ég segi við fólk að hafa skynjarann ekki inní eldhúsinu heldur kannski rétt fyrir utan þannig að hann sé ekki að fara mikið í gang að óþörfu.

Rafhlöðuending reykskynjara....

Ég ráðlegg öllum að skipta um rafhllöðu í skynjurunum einu sinni á ári. Gott að miða við að skipta um fyrir jólin þannig að nýjar rafhlöður séu í skynjaranum um jól og áramót.

Ending reykskynjara....

Venjulegur heimilisskynjari endist ekki lengur en 10-12 ár að hámarki og jafnvel styttra. Því er mælt með að skipt sé um skynjara á 10 ára fresti. Rétt er að benda á að ekki má henda jónískum skynjurum beint í ruslið heldur þarf að farga honum af fagmönnum þar sem í honum eru geislavirk efni.

Ekki sætta ykkur við að skynjarinn sé að fara í gang í tíma og ótíma (falskt öryggi).....

Ef skynjarinn er að fara í gang í tíma og ótíma þá á ekki að sætta sig við það. Líklegt er að annað hvort sé um ranga tegund að ræða eða röng staðsetning.

Heilræði....

Optískur reykskynjari mun í 95% tilvika bjarga meiru en jónískur þannig að ég ráðlegg ykkur að kaupa optískan skynjara þrátt fyrir að hann sé aðeins dýrari. Ef þið eigið nýjan jónískan þá getið þið fært hann fram í skúr þar sem hann gæti komið sér vel...

Reykskynjari ekki sama og reykskynjari...

Ég hefði viljað fá að sjá hversu hátt hlutfall þessara skynjara eru "optískir". Í mörg ár hafa landsmenn keypt svokallaða "jóníska" reykskynjara vegna þess að þeir hafa verið allt að þriðjungi ódýrari.

Vandamáið við "jóníska" skynjara er að þeir skynja ekki kaldan reyk sem oftar en ekki dregur fólk til dauða þegar eldur verður laus. Ég vil því ráðleggja fólki að kaupa sér "optíska" skynjara á þá staði sem fólk sefur. Einnig þarf að passa að setja þá ekki of nálægt veggjum, ekki nær en 50 cm.

Hægt er að þekkja þá "jónísku" með því að það er í þeim geislavirkt efni og merki þess efnis á þeim.

Það þarf svo ekki að taka fram að skipta um rafhlöður í skynjurunum á hverju ári..

Brunavörnum verulega áfátt á heimilum

Það eina rétta..

Það var ekkert um annað að ræða enda Gallas búinn að tala út og suður undanfarnar vikur, djammandi fram á nót og sýna af sér óíþróttamannslega framkomu. Ég mæli með að Fabregas taki við bandinu ef hann er tilbúinn til að gera langtímasamning við Arsenal...

Gallas sviptur fyrirliðastöðunni og verður ekki í hópnum á morgun

Mikill missir fyrir íslenskt golf..

Ég var svo heppinn að fá að æfa undir stjórn Staffans í nokkur ár og síðan vinna með honum að unglingamálum. Ég verð að segja að Staffan er alveg einstakur golfkennari, persóna og vinur. Hans mun verða sárt saknað hér á Íslandi af þeim sem unnið hafa með honum. Hann tekur þó nú við mjög spennandi verkefni í Finnlandi og ef ég þekki hann rétt þá verður hann feginn að losna við ferðalögin hingað upp til Íslands.

Þrátt fyrir allt þá var ég nú ekki alltaf sammála Staffani. Ég var til dæmis ósammála því að atvinnumenn fengju að leika á mótaröð áhugamanna, landsmótum og sveitakeppnum. Þetta er kallað á norðurlöndum "open golf". Það eru ekki mörg lönd í heiminum sem leyfa atvinnumönnum að keppa við áhugamenn. Oft var maður nú ekki heldur sammála vali í landsliðin en hver er svosem sammála vali í landslið...alltaf umdeilt...

Ég hefði viljað sjá val í landsliðin byggð meira á spilamennsku en hvað getur maður sagt þegar árangur næst.

Besti árangur Íslands í golfi náðist undir stjórn Staffans en það var 4 sætið á EM 2002 ef ég man rétt.(ekki viss)

 

Staffan hættir sem landsliðsþjálfari í golfi

Fróðlegt...

Það verður fróðlegt að sjá hvernig þetta samfylkingarfólk í ríkisstjórn mun greiða athvæði. Það er mér til efs að þeir standi við sitt og felli stjórnina. Mér finnst reyndar algert óráð að vera að fara í stjórnarskipti núna.

Vantrauststillaga komin fram

Láttu þér batna Bubbi..

Já meira segja kóngar geta slasað sig. Ég vona að Bubbi nái sér fljótt og vel svo við getum fengið að heyra meira frá Kóngnum á næstu dögum og vikum....ekki veitir af sýnist mér..

Bubbi Morthens „flaug á hausinn"

Aldrei þessu vant sammála Jóhönnu..

Já þetta er nú meira ruglið...

Hvernig er hægt að verja það að bankastjór ríkisbanka sé með hærri laun en t.d ráðherra eða forstjóri ríkisspítalanna ja...eða Forsetinn svo eitthvað sé nefnt...

Þetta er ekki góð byrjun á "endurreisninni"...

Bankastjórarnir með of há laun

Djö....er ég eitthvað pirraður..

Djö..er ég pirraður yfir þessu banka rugli...Nokkrir einstaklingar búnir að setja þjóðina á hausinn en lifa bara fínt eftir sem áður og kaupa sér snekkjur og fljúga um á einkaþotum. Á meðan tökum við á okkur miljarða sem þjóð og þessir gæjar spila frítt. Ég er alveg hrikalega pirraður yfir þessu rugli...þessir andsk..búnir að eyðileggja mannorð Íslendinga á erlendum vettvangi og skuldsetja þjóðina til langrar framtíðar....

 arrrrg...pirrrr...

Vonandi niðurstaða fljótt